Relasyong Ruru-Bianca apat na taon na

MA at PA
ni Rommel Placente

SA guesting ni Ruru Madrid sa Kapuso Mo Jesica Soho, natanong ang aktor kung ano nga ba ang relasyon nila ni Bianca Umali? Matagal na kasing nali-link ang dalawa pero wala pa ring  pag-amin sa kanila kung may something na ba sa kanila.

Napatawa  si Ruru sa tanong ni Jesica at katulad ng lagi niyang sagot tuwing tinatanong tungkol kay Bianca, “Mahirap lagyan ng label.”

Sundot na tanong ni Jesica,kung walang label ang relasyon nila, bakit umiyak ang aktor nang sorpresahin siya ni Bianca sa South Korea kamakailan?

Noong August 17, 2022, ipinost ni Bianca sa Instagram account niya ang video nang puntahan niya ang lugar kung nasaan si Ruru kasama ang ilang staff ng seryeng Running Man PH.

Sa video, makikita na nagulat at naiyak si Ruru nang makita ang aktres

Sagot ni Ruru, “Kasi po, hindi ko ine-expect na pupunta po talaga siya, dahil noong time na ‘yun, last day ng taping namin sa ‘Running Man.’”

Limampung (50) araw nanatili sa South Korea si Ruru kasama ang buong cast ng Running Man PH, ang upcoming Kapuso adaptation ng sikat na variety show ng SBS Network sa South Korea.

Sa pangalawang pagkakataon, muling tinanong ni Jesica si Ruru kung ano nga ba ang real score sa kanila ni Bianca.

Rito na umamin ang binata. Pero, ang sabi niya, ay nagdi-date lang sila ng aktres.

“Dahil kayo po ang nagtanong, Ma’am Jess, this is the first time na sasagutin ko po ito.

Ah… we’re dating po for four years.”

So base sa sagot ni Ruru na apat na taon na silang nagdi-date ni Bianca, ibig sabihin ay talagang sila na, ‘di ba? Indirect nga lang ang ginawa niyang pagsagot kay Jesica.