HATAW! D'yaryo ng Bayan hatawtabloid.com
ALAM MO NA!
ni Nonie Nicasio
TUNGHAYAN ang tagos-pusong linyahan at kakaibang screen chemistry nina Carlo Aquino at Julia Barretto sa una nilang pagtatambal sa Expensive Candy.
Masarap, nakaaadik, at hahanap-hanapin. Matitikman na ang most special treat ng taon, dahil mapapanood na ang Expensive Candy sa mga sinehan ngayong September 14, 2022.
Isang romance film mula sa writer at director ng blockbusters tulad ng 100 Tula Para Kay Stella, The Day After Valentine’s, at Just a Stranger, na si Jason Paul Laxamana. Dito’y bibida si Julia, like you’ve never seen her before at ang award-winning actor na si Carlo.
Ibang Julia ang makikita sa pelikulang nagpapatunay ng versatility ng Viva Prime Actress dahil gaganap siya rito bilang isang mamahaling hostess sa Angeles City.
Ibinahagi ni Julia ang excitement niya sa pagganap bilang Candy, “I’m so, so, so excited for everybody to see this. It’s [like] nothing that I’ve ever done before. I’d like to believe it’s a coming-of-age film,” aniya sa interview mula Push.
Isang kuwento ng pag-ibig na mahahanap sa hindi inaasahang lugar at pagkakataon, tungkol kay Renato “Toto” Camaya (Carlo), isang high school teacher na mala-love at first sight kay Candy (Julia) matapos nitong bayaran ang isang gabi para makasama ang dalaga. Iba ang dating at hindi mawala sa isip ni Toto si Candy, kaya susubukan niyang mapalapit dito at makasama araw-araw, gabi-gabi. Kahit na mahirap at ma-effort, kahit bayaran pa niya ang oras nito. Isang simpleng lalaki na may simpleng pamumuhay, ang tanging pangarap lang ni Toto ay ang makasama si Candy at handa siyang gawin ang kahit na ano at ibigay ang lahat para rito.
Pero may ibang plano si Candy, at hindi ‘yon ang makasama at maging sila ni Toto. Gusto niyang yumaman at umangat sa buhay habang ginagawa ang bagay na alam niyang magaling siya: ang mang-akit ng mayayamang lalaki na bibigyan siya ng maraming pera para mamuhay nang payapa at marangya. Mabago pa kaya ni Toto ang isip ni Candy at tuluyang ibahin ang pangarap nito? O magigising sa katotohanan si Toto at tatanggapin na mahal mahalin ang isang gaya ni Candy?
I-ready na ang mga tickets at pumila sa mga sinehan, mapapanood na ang Expensive Candy ngayong September 14, nationwide.
