Ang Forever Ko’y Ikaw ni Mccoy natapos na

I-FLEX
ni Jun Nardo

NABUO na rin ng singer-songwriter na si Mccoy Fundales, ang orig vocalist ng grupong Orange and Lemons, ang kantang Ang Forever Ko’y Ikaw. Naging theme song ito ng GMA rom-com series na same title noong 2018.

Pero kamakailan lang ito natapos ni Mccoy matapos mahalughog ng kantang hindi natapos.

“Isa ito sa hindi ko natapos. I want to finish them for posterity and ito ‘yung inuna ko,” rason ng singer.

Available ang kanta sa lahat ng streaming platforms at under ito ng AIG Records, sublabel ng GMA Music.

Bukod sa pagkanta at paggawa ng mga kanta, isa rin si Mccoy sa writers ng Pepito Manaloto, Bubble Gang, at All Out Sundays.