HATAW! D'yaryo ng Bayan hatawtabloid.com
HATAWAN
ni Ed de Leon
NATAWA na lang kami eh, kasi ang mas pinag-usapan pa ay ang trailer ng isang serye na nakita nilang topless ang matinee idol na si Joshua Garcia. Mas pinag-usapan siya kaysa bida. Marami ang nagsasabing mas sexy ang dating niya kaysa bida. Ganoong isang action scene iyon na topless lang siya.
Parang nahihiya pa si Joshua sa isang television interview at nabanggit sa kanya ang mga bagay na iyon.
Sa ngayon, sa tingin namin iyang si Joshua ang pinakasikat na matinee idol. May nagsasabi tuloy, mabuti nag-split sila ni Julia Barretto, dahil kung hindi sila naghiwalay at nanatili ang kanilang love team, baka hindi siya sumikat nang ganyan.
