Not so young actor nagpapasaklolo ng raket

MA at PA
ni Rommel Placente

ILANG beses kaming china-chat  ng isang not- so-young actor na nagpapatulong makagawa ng pelikula ulit, o kahit indie lang. Matagal na kasi siyang walang pelikulang ginagawa. At sa telebisyon ay madalang lang siyang mapanood.

May manager naman itong si not-so-young actor, kaya nagtataka kami kung bakit sa amin nagpapatulong na magkaroon ng raket.

Siguro ay napansin niya na hindi siya  nahahanapan ng kanyang manager ng project kaya humihingi siya ng tulong sa mga kakilala at kaibigan niya na isa na kami roon.

Sa ngayon nga ay walang proyekto both sa telebisyon at movie itong si not-so-young actor. Need pa naman niyang magtrabaho dahil may pamilya siyang binubuhay. 

Sana ay magkaroon na ulit siya ng raket. Mahusay naman siyang aktor kaya may dumating sana ulit offer sa kanya sa telebisyon at pelikula. 

Ang  not- so- young actor na ito ay sumikat noong kanyang kabataan.