Janella natakot, sobrang na-challenge sa pagiging Valentina

ISA pa sa inaabangan sa Mars Ravelo’s Darna ay si Valentina. Kaya naman aminado ang gaganap na Valentina na si 

Janella Salvador natakot siya nang ialok ang role na iyon sa kanya. 

Ayon kay Janella sa isinagawang media conference na sobra-sobra ang challenges na hinarap niya para mabigyan ng hustisya ang iconic character ni Valentina kasabay ng ginawa niyang preparasyon para rito.

“Pinaghandaan ko talaga siya. It’s one of the most challenging roles I’ve ever had to portray, kasi nga napaka-complicated niya,” ani Janella.

“Noong una, I was a bit scared kasi nga kakapanganak ko pa lang, ang tagal ko nang hindi umaarte, pero pinaghandaan ko talaga siya and I gave my 100 percent.”

Mahirap man, nasabi ni Janella na perfect comeback ang pagganap na Valentina.

“After giving birth, I was been hoping and praying na sabi ko ‘Ano kaya ang magiging comeback and big break. And ito nga biglang nag-rise ang opportunity na ‘to, so, I took it,” sambit pa ni Janella.

Naisip ito ni Janella sanhi na rin ng mga naririnig niya sa paligid simula nang mahka-anak siya. 

“Well the people around me were obviously afraid for me, and maraming nag-plant ng ganoon sa utak ko na, ‘baka ‘di ka na makabalik. Nanay ka na.’ But ako kasi, firm believer ako na you can do whatever you want to do, even if you’re a mom. It doesn’t matter naman. Kaya mo pa rin naman gawin as long as, gugustuhin mo so I was determined talaga,” giit ni Janella.