1,000 tauhan ng BJMP, tutulong sa Brigada Eskwela 

MAGPAPAKALAT si Bureau of Jail Management and Penology (BJMP) Chief Jail Director Allan Iral ng may 1,000 personnel upang tumulong sa Brigada Eskwela ng Department of Education (DepEd).

Ayon kay Iral, kaniyang patutulungin ang mga personnel para sa pagsasagawa ng cleanup drives at volunteer works para sa pagbubukas ng klase sa 22 Agosto 2022.

Nabatid, nakagawian ng BJMP ang sumuporta sa DepEd partikular sa tuwing idaraos ang Brigada Eskwela.

Ang Brigada Eskwela ngayong taon, may temang “Tugon sa Hamon ng Ligtas na Balik-Aral” ay nagsimula nitong 1 Agosto 1 at tatagal hanggang 26 Agosto.

Una nang inatasan ni Interior & Local Governemnt Secretary Benjamin Abalos, Jr., ang local government unit (LGUs) na tumulong sa paghahanda ng mga paaralan para sa pagbubukas ng school year 2022-2023. (ALMAR DANGUILAN)