MATABIL
ni John Fontanilla
MAPAPANOOD ang isa sa pinakamahusay na aktor ng kanyang henerasyon, si Sean De Guzman kasama ang isa pa sa mahusay sexy actress, si Cloe Barreto sa isang napapanahon at makabuluhang pelikula, ang The Influencer.
Ang The Influencer ay kuwento ng isang social media influencer na hinahangaan ng kanyang fans. Mayroon siyang power na magmanipula ng mga tao hanggang isang araw ay nakahanap siya ng katapat sa katauhan ni Nina (Cloe) isang obsessed fan na may pagka-psychotic.
Sa pelikulang ito ay muling ipamamalas ni Sean ang kanyang husay at lalim sa pag-arte na napanood sa kanyang mga naunang pelikula.
Makakasama nina Sean at Cloe sa movie sina Elizabeth Oropeza, Ruby Ruiz, Quinn Carillo, Karl Aquino, at Calvin Reyes.
Ang The Influencer ay mapapanood sa Vivamax sa August 12, produced ng 3:16 Media Network at Mentorque Entertainment na idinirere ni Louie Ignacio at isinulat ni Quinn Carrillo.