Saturday , May 18 2024
Kim Molina Jerald Napoles KimJe

Kim at Jerald naitago ilang beses na paghihiwalay

MA at PA
ni Rommel Placente

NOONG kasagsagan ng COVID-19 pandemic at habang ginagawa nila ang isa nilang pelikula sa Viva Films ay naghiwalay pala sina Kim Molina at Jerald Napoles. Ito ang inamin ni Kim sa isang interview.

Ito ‘yung mga unang linggo ng pagli-live in nila ni Je noong 2021 makalipas ang ilang taong relasyon bilang magdyowa.

Nagsimula ang lahat nang mag-away sila habang ginagawa ang pelikula nilang  Ikaw at Ako at ang Ending.

“Ang suwerte ko lang kasi katulad niya (Jerald) ‘yung kasama ko sa buhay at saka ka-loveteam. Hindi talaga mahahalata ng mga katrabaho namin na may nangyayaring pag-aaway or anything.

“Like, may ginawa kaming pelikulbefore na hindi alam ng lahat na nag-break kami. Share ko lang sa inyo, ang tagal na naman nito,” sabi ni Kim.

Patuloy niya, “During pandemic po kasi, adjustment. First time rin namin na magka-live in ni Je. So, ‘yung mga problem namin bilang magdyowa, nagkasama-sama, na-pile up. First time namin magka-live in.

“Lahat naman ng problema namin, hindi namin mapagtuunan ng pansin na pag-usapan kasi kailangan namin kumita.

Kailangan naming magbayad ng bills. Kailangan naming mag-work. Eh, ‘yung ‘Ikaw at Ako at ang Ending,’ nagkataon na mga best friend namin ‘yung mga nandoon.

“Ang direktor namin, si Direk Irene (Villamor). Hindi namin din sinabi kay Irene,” chika pa niya.

Ang nangyari, ang location namin, sa Pagudpud, Ilocos Norte. Nag-away kami, nag-stay kami sa isang cottage. Nag-away kami, ‘Break na tayo!’ Nag-break kami.

“Tapos, tiningnan ko ‘yung sequence guide (sa script), bed scene (ang kukunan) kinabukasan! Paano ko ito gagawin kasi drama po talaga ‘yung ‘Ikaw at Ako at ang Ending.’

“Ito kasi si Je, hindi po kami nakakatulog nang hindi kami nagiging okay. So, naging okay naman po kami after niyong bed scene na hindi naman sa mga kamera!” sey ni Kim sabay tawa.

Dugtong pa niya, “So, basically, naayos naman namin ‘yung aming problema pero walang nakaaalam. Kinabukasan, okay kami, natapos namin ‘yung movie. Ngayon lang namin nasabi, ngayon ko lang talaga naikuwento.”

Actually, hindi ito ang unang pagkakataon na panandaliang nag-break ang celebrity couple.

Kuwento pa ni Kim, “Nangyari na po siya before kahit ‘Rak of Aegis’ (musical play), so we had to fall in love all over again onstage without the people knowing that there’s something happening off stage.”

About Rommel Placente

Check Also

Piolo Pascual Mallari

Piolo Pascual muling nasungkit Best Actor trophy para sa Mallari

MULING nasungkit ni Piolo Pascual ang Best Actor award para sa kanyang pagganap sa Mallari sa katatapos na Box …

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …