HATAW! D'yaryo ng Bayan hatawtabloid.com
RATED R
ni Rommel Gonzales
KAHIT hindi nakadalo si Ruru Madrid sa GMA Thanksgiving Gala noong July 30, inihayag ng aktor ang kanyang pagiging proud kay Bianca Umali, na nagningning ang ganda sa event.
Sa panayam kay Ruru, sinabi nitong nakaramdam siya ng panghihinayang dahil hindi niya nakasama si Bianca sa gala.
“Noong nakita ko na rin na naglalakad siya mag-isa, she was so beautiful!
“For me, mas kailangan niya ‘yung spotlight na iyon na mag-isa siya, na wala ako sa tabi niya,” sabi ni Ruru na napapabalitang malapit ngayon sa aktres.
Wala mang opisyal na pag-amin ang dalawa sa tunay na namamagitan sa kanila, naging mas bukas na si Ruru na magpahayag ng nararamdaman kay Bianca sa mga post sa social media.
Hindi nakasama si Ruru sa naturang event dahil nasa South Korea siya ngayon at abala sa taping ng Running Man Philippines.
Samantala, ramdam pa rin ni Ruru ang patuloy na pagsuporta ng mga manonood para sa pinagbibidahan niyang primetime action series na Lolong.
May tyansang manalo ang mga loyal Lolong viewers sa bagong Lolong selfie contest na “Ready, Pangil, Smile.” Bisitahin lamang ang Lolong official Facebook page at sundin ang instructions at mechanics para makasali.
