Ricky Davao saan nga ba mas masaya, artista o direktor?

RATED R
ni Rommel Gonzales

TATANGGAP ng pagkilala si Ricky Davao sa Gintong Parangal 2022 bilang Natatanging Gintong Parangal Bilang Pinakamahusay na Aktor at Direktor sa Industriya ng Pelikulang Filipino sa August 13 sa Okada Manila Grand Ballroom

Tinanong namin si Ricky kung saan siya mas natutuwa, kapag pinararangalan siya bilang artista, o bilang direktor?

“Wala pa kasi akong nagiging parangal bilang direktor.

“Although may nagawa ako before na nanalo sa Golden Dove na Best Drama, iyon lang, ako ang director niyon pero hindi naman sinabing Best Director, Best Drama.

“Naano (kinilala) na rin ako noon dahil ako ang director niyonn. As director wala pa. As actor, iyon medyo suwerte ako roon.”

Sinabi pa ni Ricky na, “Sa directing kasi mostly TV ang ginagawa ko, isang pelikula pa lang ang nagagawa ko, one third of a film pa lang, ‘yung ‘Gawad Kalinga’ film, ‘Paraiso.’ One third niyong kuwento niyon ako ang gumawa.

“So ayan, iaano ko na rin, sana somebody will ano, I dunno how eh, ngayon, kasi almost all writers become directors, eh.

“Ako I don’t know how to write, sinasabi ko nga kahit love letter hindi ako marunong.”

Kaya may panawagan si Ricky. “So yun ang dream ko makapag-direct ng film, sana if we find a good material, paging writers! Gusto kong makapag-direct din ng pelikula hanggang kaya ko pa.

“Ang pinaka-award ko na mataas na masasabi sa pagiging direktor eH everytime na I shout “Cut!” and then sobra akong affected doon sa actor.

“Iyon, para sa akin isang award na ‘yun. Na, ‘Wow, napaarte ko siya! At ang galing!’

“And ilang beses nang nangyari sa akin ‘yun, iyon so iyon ‘yung parang pinaka-award ko.

“At saka siyempre ‘pag nagre-rate! Well let’s face it it’s still the ratings game that we follow, so iyon, ‘pag nagre-rate ‘yung show ko, ‘wow, thank you, thank you, Lord,’” bulalas pa ng mahusay na actor/director.