HATAW! D'yaryo ng Bayan hatawtabloid.com
HATAWAN
ni Ed de Leon
NGAYON unti-unti nang lumalabas ang kuwento sa serye ni Kylie Padilla. Ang leading man na ngayon ay si Rayver Cruz, natatabi na si Jak Roberto. Iyon naman talaga ang inaasahan, dahil mas sikat namang ‘di hamak at mas maraming fans si Rayver kaysa kay Jak.
Ituloy mo iyan na ang bida ay si Jak, at kontrabida si Rayver, aba tingnan mo kung makaka-jackpot ka.
Pero may natanggap kaming feedback, kahit na nga umaariba ang drumbeating ng GMA at maging sila mismo sa social media na inili-link si Rayver kay Julie Ann San Jose, mukhang mas natuwa ang mga tao sa tambalan nila ni Kylie, kahit na sabihing wala naman silang relasyon.
Eh kasi aminin naman natin, ‘di hamak na mas malakas din ang batak ni Kylie kaysa kay Julie Ann. Eh isipin ninyo, nasa prime time pa sila, kailangan sakyan nila talaga kung ano ang gusto ng mga tao.
Iyong Kylie at Rayver masasabi mong mas tamang kombinasyon, kung hindi eh ‘di nangamote sila sa primetime. Nakahihiya, baka talunin pa sila niyonh nasa 20kw lang na free tv.
Mapapansin din siguro ninyo, lumalakas ang supporting cast ng serye. Ngayon ang kalaban na nila ay si Ina Raymundo. Palagay namin pagdating ng araw may papasok pang mas malalaking artista sa seryeng iyan. Aba dapat lang naman nakahanda sila, walang network na nakasisiguro sa ngayon. Hindi natin alam kung ano nga ang bubuksan niyang bagong network sa mga susunod na araw. Pero nagsanib na ang TV5, Zoe Tv, at ang cable at internet networks ng ABS-CBN. Hindi kami naniniwalang GMA 7 ang target niyan. Ang target niyan talaga ay ang bagong network.
