Andrea hindi naghahanap ng karelasyon 

RATED R
ni Rommel Gonzales

NAKATRABAHO na ni Andrea Torres sa ilang episodes ng Happy ToGetHer si John Lloyd Cruz kaya natanong ito kung paano niya ito ilalarawan bilang tao at actor?

“Napaka-humble niya despite his talents and all his achievements. Nakai-inspire to see him at work kasi iba siya mag-isip at mag-interpret ng eksena.

“Mayroon siyang mga dinadagdag para mapaganda ang mga eksena, na ikaw parang, ‘Ay oo nga ‘noh, ang galing!’ 

“Ang galing niya maghimay ng eksena. Magaan sa set kasi maloko rin siya. Masaya lang.”

Loveless si Andrea, paano niya naha-handle na wala siyang karelasyon sa matagal na panahon?

“Ako naman po kasi I’m happy and content with my life as is. ‘Pag nagkakaroon ako ng karelasyon, he adds to it. Hindi mo gagawing missing piece ‘yung lovelife.

“Para ikaw din, buo kang papasok sa buhay ng karelasyon mo.

“I have a solid faith so I never look for it. Naniniwala akong darating ‘yan ‘pag feel ni God na ready na ulit. Basta I give my whole focus and energy with everything that I do.”

Kanino siya kumukuha ng inspirasyon sa buhay?

“Of course number one riyan si God who’s been so good to me. He inspires me to live my life with a purpose. Live life to the fullest.

“Next diyan ang mga goal ko at ang family ko. Marami akong dreams at kasama sila lagi roon,” pagbabahagi pa ni Andrea.

Malapit nang mapanood si Andrea sa international movie na Pasional na leading man niya si Marcelo Melingo na co-produced ng Malevo Films of Argentina, GMA Films at ni Noel Maximo na isang Filipino film producer.

Ang Pasional ay idinirehe ni Francsico D’ Intino.