‘Lihim’ ni Ai Ai unti-unti nang lumalabas

RATED R
ni Rommel Gonzales

UNTI-UNTI nang lumalabas ang lihim ng nakaraan sa huling tatlong linggo ng GMA Afternoon Prime series na Raising Mamay.

Nagsimula ang kuwentong puno ng saya at pagmamahal ng mag-inang sina Mamay Letty (Aiai Delas Alas) at Abigail (Shayne Sava). Sinubok ng samo’tsaring problema ang kanilang pagsasama at relasyon bilang mag-ina.  

At sa nalalapit na pagtatapos nito, nagbabalik si Malou (Ina Feleo) para guluhin ulit ang mundo ni Sylvia (Valerie Concepcion). At dito niya malalaman ang sikretong matagal nang itinatago nito.

Puno naman ng lungkot ang netizens sa pagwawakas ng serye. Komento ng isang avid viewer sa Facebook, “Nakakabitin naman, sana magkaroon ng part 2″ at “very nice teleserye, great actors and actresses ang mga cast.”

Magkakaroon kaya ng happy ending ang pagsasama nina Mamay Letty at Abigail sa kabila ng paglabas ng mga sikretong matagal nang itinatago ng pamilya? Babalik pa kaya sa dati si Mamay Letty?