Ella panalo sa pagkalampag sa mga historyador

HATAWAN
ni Ed de Leon

EFFECT ang pa-epal ni Ella Cruz, na nagsabing ang history ay para lang tsismis. Hindi lang nag-react sa kanya ang dating director ng National Historical Commission na si Ambeth Ocampo, aba nag-react din ang Ateneo de Manila University dahil sa statement naman ng mga sumagot-sagot pa kay Ambeth.

Talagang ngayon ay napansin iyong Ella kahit na maliit lang naman ang role niya sa pelikula niya. Noon naging bida pa siya sa pelikula pero hindi siya napag-usapan nang ganyan. Kaya nga flop naman ang pelikulang iyon.

Bilang isang artista, iyang si Ella, may hitsura rin naman. May talent din naman siya. Ewan nga ba kung ano ang kulang at hindi makaangat ang kanyang career. Pareho naman sila ng ka-love team niya noon na si Julian Tronona napag-iwanan ng mga kasabayan nila. Siguro dahil hindi nga rin sila nagkaroon ng pambawi matapos na mag-flop iyong pelikula nila noon. Kung nakabawi siguro sila matapos ang flop na iyon, may nangyari na sa kanilang career.