2 shows nagkampihan
EAT BULAGA! PILIT NA PINABABAGSAK  

BAKBAKAN ng noontime shows sa free TV simula sa Sabado, Hulyo 16.

Nagkampihan na ang dalawang noontime shows upang pataubin ang longest running noontime show na Eat Bulaga. Marami nang sumubok pataubin ang Bulaga pero hindi ito nagtagumpay.

Eh ang ipalalabas ng Bulaga sa Sabado ay ang grand finals ng pakontes nilang Dancing Kween! Aba, P500K ang take home ng mananalo kaya bardagulan sa hatawan ang finalists na “exceptional individuals,” huh!

Ang isa pa sa sorpresa na makikita sa Bulaga sa Sabado ay ang presence ni Beauty Gonzalez bilang guest co-host kasama ang EB Dabarkads. May Instagram post si Beauty na mapapanood siya sa Bulaga pero biglang nawala ‘yon.

Hot mama si Beauty kaya dagdag-atraksiyon siya sa programa kasama ang mga baguhang Dabarkads na sina Maja Salvador at Miles Ocampo.

Siyempre, pasabog tiyak ang magiging choices sa Bawal Judgmental na paboritong segment ng EB viewers.

Doon na kayo sa matatag nang programa na nagbibigay-saya na, nakatutulong pa!