Ariel ibinulgar may pineke habang kumakanta

RATED R
ni Rommel Gonzales

MAY mga bagay na hindi maiiwasang pekein kaya naman sa bagong serye ni Ariel Rivera na The Fake Life natanong ito kung may maibabahagi siyang isang bagay o sitwasyon na hindi niya naiwasang gawin iyon dahil walang ibang choice.

Sagot ni Ariel, “This happens more frequently than I want to admit. When you’re doing a concert you forget lyrics. Gumawa ka ng sarili mong lyrics,” at tumawa si Ariel.

“If you can’t perform, japorms,” ang patuloy na tumatawang sinabi pa ng actor/singer. 

“‘Yun lang, ganoon, that simple.

“Tumutugtog ‘yung music eh. Hindi mo naman puwedeng sabihing ‘Stop the music!’

“So you fake your own, you make up your own lyrics.”

Kasama rin sa GMA Afternoon Prime na The Fake Life sina Beauty Gonzales bilang Cindy Villamor; Sid Lucero bilang Mark Santiaguel;  Shanelle Agustin bilang Jaycie Villamor;  Carlos Dala bilang Jonjon Villamor; Tetchie Agbayani bilang Sonya de Guzman; Will Ashley bilang Peter Luna; Rina Reyes bilang Jean Luna, Saviour Ramos bilang Caloy Luna; Jenny Miller bilang Margaux Nova; at  Faye Lorenzo bilang Jai de Castro.

May special participation sina Bea Binene bilang young Cindy, Kristoffer Martin bilang young Onats, Candy Pangilinan bilang young Sonya, at Jake Vargas bilang young Mark.

Ang The Fake Life ay idinirehe ni Adolf Alix, Jr..