HATAW! D'yaryo ng Bayan hatawtabloid.com
NAGDESISYON si Los Angeles Lakers guard Russell Westbrook na tanggapin ang kanyang $47.1 million option para makabalik sa club para sa 2022-23 season, ayon sa ilang mapagkakatiwalaang report nung Martes.
Ang 33-year-old playmaker, ang 2017 NBA Most Valuable Player at nine-time NBA All-Star, ay papasok sa final campaign ng kanyang limang taong kontrata na nakakahalaga ng $206 million.
Si Westbrook ay naglaro sa apat na iba’t ibang clubs sa loob ng apat na season, na may average na triple doubles sa final three seasons sa Oklahoma City bago ang 2019 trade sa Houston kapalit ni Chris Paul.
Nagsimula sa paglalaro si Westbrook noong 2020-21` sa Rockets pero nai-trade siya sa Washington nung Disyembre 2020 at nanatili sa Wizards hanggang Agosto 2021 swap sa Lakers.
Nung nakaraang season, siya ay may averaged na 18.5 puntos, 7.4 rebounds at 7.1 assists kada laro sa 78 games para sa Lakers na nagtala ng nakadidismayang kartang 33-49 at hindi nakasampa sa playoffs. Ang injuries nina LeBron James at Anthony Davis ang naging dahilan ng kanilang pagsisid.
Sina Westbrook, James at Davis ay sama-sama lang nakalaro sa 21 games sa nakaraang season, ang Lakers ay may 11-10 sa nasabing pagsasama-sama nila.
Umaasa ang Lakers fans na babawi ang kanilang paboritong team sa bago nilang coach na si Darvin Ham.
