Hiwalayan ng banda nauuso rin

HATAWAN
ni Ed de Leon

NAUUSO yata ang paghiwalay sa mga banda. Sinabi ng The Juans, na ang matagal na nilang drummer na si Joshua Coronel ay umalis na rin sa kanilang grupo. Wala pa silang sinasabing kapalit, bagama’t mamaya haharap sila sa press at gagawa ng announcement tungkol sa isang malaking concert na gagawin nila sa ilalim ng KDR, ni Kuya Daniel Razon.

Iyon namang Callalily, inalisan ng kanilang vocalist na si Kean Cipriano, tangay pa ang pangalan ng kanilang grupo. Kaya ang mga naiwan sa original group na tinatawag na lang nila ngayong “lily” ay naghahanap daw ng vocalist na “hindi kami iiwan.”