Samantha naniniwalang nakatulong ang eleksiyon sa First Lady  

RATED R
ni Rommel Gonzales

MAY temang politikal ang First Lady na serye ng GMA at katatapos lamang nitong May 9 ang maituturing na pinakamainit, pinakamaingay, at pinaka-kontrobersiyal na eleksiyon sa kasaysayan ng Pilipinas.

At bilang parte ng First Lady bilang former first lady Ambrosia Bolivar, hiningan namin si Samantha Lopez ng opinyon kung nakatulong ba ang katatapos na national election para mas lalong tutukan ang First Lady?

“Yes and no,”  umpisang sagot sa amin ni Samantha. “I’ll start with no because ‘First Yaya,’ nakatatak na, eh. So may eleksiyon o wala, susubaybayan nila (ang First Lady) because ‘First Yaya’ was… eh noong kailan nga lang may letter of commendation ‘yung boss namin mismo, si FLG, number one of year 2021 ‘yung year na ‘yun, number one show all over.”

Ang tinutukoy na commendation ay ang ibinigay ni GMA Network, Inc. Chairman and CEO Atty. Felipe L. Gozon sa cast at sa buong production ng First Yaya sa pagiging matagumpay na pagpapalabas nito at sa pagiging number 1 Top Program ng 2021 ayon na rin sa Urban Philippines and Total Philippines report. 

“So iyon pa lang, may eleksiyon o wala nakatulong because ang lahat ng tao nakatutok, eh.

“This has been the most controversial, most tight and delicate election sa Philippines, I saw and heard that, kasi matagal akong nawala eh, tatlong eleksiyon ang hindi ko naabutan, pero iyon ang sabi.”

Maraming taong nanirahan sa Amerika si Samantha bago nagdesisyong balikan ng kanyang showbiz career sa Pilipinas.

“So ang mga tao nakatutok dahil ibang era, eh. Whereas before ang millennials wala naman ‘di ba, wala naman silang masyadong pakialam.”