HATAW! D'yaryo ng Bayan hatawtabloid.com
BINAWIAN ng buhay ang isang lalaki nang pagbabarilin ng hindi kilalang mga suspek sa Brgy. Libertad, lungsod ng Ormoc, sa lalawigan ng Leyte, nitong Huwebes ng umaga, 9 Hunyo.
Kinilala ang biktimang si Crisanto Pescador, 44 anyos, delivery boy ng isda.
Ayon sa imbestigador ng kasong si P/Cpl. Mark Jun Caballes, nagmamaneho ng kanyang tricycle ang biktima upang maghatid ng isda sa mga bayan ng Merida at Isabel nang barilin siya ng mga suspek dakong 6:20 am kahapon.
Nabatid sa pulisya, aaresto ang biktima sa isang drug bust noong 2017 sa Isabel, Leyte, ngunit pinalaya matapos maghain ng plea bargaining agreement na inaprobahan ng korte noong 2018.
Nagkasa ng hot pursuit operation ang lokal na pulisya upang matunton ang mga nasa likod ng krimen. ###
