James suwerte ang pagkakuha kay Liza

HATAWAN
ni Ed de Leon

SA paglipat ni Liza Soberano sa ilalim ng managerment ni James Reid, ang male star ang magkakaroon ng malaking advantage, at alam niya iyon. Hindi ba noong itayo naman niya ang management firm na iyan na ang nangasiwa noong una ay ang tatay niya, inasahan nilang masungkit si Nadine Lustre mula sa Viva? Kailangan nila ng isang star na pang-bargain dahil mahina na ang batak noon ni James. Wala silang malaking star.

Ngayong nakuha nila si Liza, mas malaki ang pang-bargain nila lalo na sa pagbalik sa Pilipinas, dahil mas may pangalan na si Liza kaysa kay Nadine. Depende kung paano gagamitin iyan ni James, kaso wala sa management niya ang syota niyong si Enrique Gil.

Pero kahit na anong tingin ang gawin, advantage pa rin iyan ni James.