HATAW! D'yaryo ng Bayan hatawtabloid.com
MA at PA
ni Rommel Placente
SA pamamagitan ng kanyang Instagram account ay nagbigay ng reaksiyon si Lolit Solis tungkol sa plano ng live-in partner ni Angeline Quinto na si Nonrev Daquina na planong pasukin ang showbiz.
Para kay Manay Lolit na may authority sa pagkilatis ng mga may karapatang mag-artista, ay ‘it’s a NO-NO’ para sa kanya.
Sabi ni Lolit, “Parang tumayo ang balahibo ko nang mabasa ko na gusto daw ni Angeline Quinto na mag artista iyong non-showbiz father ng kanyang naging anak.
“Sa nabasa ko na mga nasulat, may 3 ng anak sa 2 pang ibang babae iyong BF ni Angeline. Naanakan niya si Angeline Quinto, at ngayon may pangarap siyang pumasok ng showbiz.
“Bongga di ba! Parang ganuon kadali lang puwede na siyang maging celebrity? Parang nagka-anak ka sa 3babae, puwede ka ng matinee idol?”
Payo rin ni Manay na sana’y mag-reality check muna ang ama ng anak ni Angeline bago nito ituloy ang balak.
“Feeling pogi at yummy dahil may mga babae na nagpaanak sa kanya? Iyan ilusyon dapat may realidad din. Check mo muna sa salamin o ikaw mismo sa sarili mo kung babagay ka ba sa mundo na papasukin mo.
“Porke pinatulan ka at nagpaanak ang isang Angeline Quinto, pang showbiz ka na? Puwede ka ng artista? Naku, dapat siguro magkaruon ng reality check pati si Angeline para naman iyon ulap sa mga mata nila mawala.
“Nagkaanak na sa 2 magkaibang babae, pumayag kang anakan ka, tapos ngayon bibigyan mo ng ilusyon maging showbiz. Naku, sana na lang ang isipin mo ang magiging kinabukasan ng iyong anak Angeline, huwag mo ng pasukin ang trabaho ng pagiging talent scout.
“Baka maghanap lang ng iba pang babae na aanakan iyan BF mo sa showbiz kaya gusto pumasok, stop , look, listen ka muna. Ayaw ni Gorgy at Salve, kalokah!” ang pahayag pa ni Manay Lolit.
Ano kaya ang magiging reaksiyon ni Angeline at ni Nonrev sa naging pahayag na ito ni Manay Lolit?
