HATAW! D'yaryo ng Bayan hatawtabloid.com
Sa pagpapatuloy ng kampanya laban sa mga kriminal na pinaghahanap ng batas, nadakip ng mga tauhan ng Cabanatuan CPS ang No. 9 Most Wanted Person ng lungsod, nitong Martes, 24 Mayo.
Sa ulat mula kay P/Col. Jess Mendez, acting provincial director ng Nueva Ecija PPO, dakong 11:00 ng umaga kamakalawa nang magkasa ang mga operatiba ng Cabanatuan CPS Manhunt Charlie operation sa Brgy. Matadero, sa nasabing lungsod.
Kaugnay ito sa hinahanap nilang isang kilabot na kawatan na sinasabing matagal nang nagtatago sa naturang barangay at patuloy na gumagawa ng ilegal.
Nagresulta ang sa pagkakaresto sa suspek na kinilalang si Jinggoy Baliling, sa bias ng warrant of arrest para sa kasong Robbery.
Kasalukuyang nasa ilalim ng kustodiya ng Cabanatuan CPS ang suspek habang inihahanda ang nararapat na disposisyon para sa kanyang kinakaharap na kaso. (Micka Bautista)
