Mikee at Dave Bornea nagkakatulungan sa mga eksena

SA The Lost Recipe ay si Kelvin Miranda ang leading man ni Mikee Quintos, sa Pepito Manaloto: Ang Unang Kuwento ay si Sef Cadayona (na parehong ipinalabas nitong 2021) at ngayon sa Apoy Sa Langit bilang si Ning ay si Dave Bornea na gaganap bilang si Anthony.

“Si Dave naman po kasi kasabay ko siya na mag-workshop. Noong bagong-bago po ako, six-seven years ago, na ‘yung batch po nila ng ‘StarStruck’ kasabay ko pong nag-workshop,” umpisang kuwento ni Mikee ukol kay Dave.

“So ‘yung unang open ko sa Eric Morris [sikat na acting coach], sa style ng workshops dito sa GMA, kasabay ko siya roon. So ilang exercises na ka-partner ko siya roon. Nakakatulong po iyon ‘pag kaeksena ko siya.

“Ikinukuwento ko, ‘Naaalala mo ‘yung ginawa natin noon?’

“Parang, ‘Try natin dito!’

“Iyon may mga ganoon po kami so, nakatutulong po ‘yun.”

Inamin ni Mikee na may adjustment sa unang pagsasama nila ni Dave kahit nagkasama sila sa workshop.

“Mayroon (adjustement) pa rin po kahit kaunti but nakatulong na mayroon ng sense of comfort ‘coz we know each other already so ang tinatrabaho namin ‘yung kung paano pa namin mas mapagaganda yung eksena, para hindi makita ‘yung Dave and Mikee, mas makita si Ning at tsaka si Anthony.

“Iyon po, we’re going for that. Sana po makita ninyo ‘yun.”

Tampok din sa Apoy Sa Langit sina Maricel Laxa, Mariz Ricketts , Carlos Siguion-Reyna, Coleen Paz , Celine Fajardo, Patricia Ismael, at Mio Maranan. Idinirehe ito ni Laurice Guillen at napapanood sa GMA Afternoon Prime.