Ai Ai iniwan ang asawa’t anak sa US para sa Raising Mamay

I-FLEX
ni Jun Nardo

INIYAKAN ni Ai Ai de las Alas ang pag-alis sa Amerika at iwanan ang asawa’t anak upang gawin ang Kapuso series niyang Raising Mamay.

“Eh ang pag-aartista lamang ang kaya kong gawin bukod sa pagbi-bake. So kahit malungkot ako, malalayo sa kanila, blessing ang dumating sa akin kaya kailangan kong gawin,” pahayag ni Ai Ai sa virtual mediacon ng GMA afternoon series niyang magsisimula sa April 25.

Isang ina na nagkaroon ng sakit at bumalik sa pagkabata ang character ni Ai Ai. Ang lumabas niyang anak na siShayne Sava ang magiging ina niya at tagapag-alaga.

“Mahirap! Buti na lang, nagkaroon ako ng immersion sa mga bata upang lalo kong malaman ang feelings ng isang bata ‘pag pinagagalitan, masaya at ginugulpi!” sey pa ng Comedy Queen.