HATAW! D'yaryo ng Bayan hatawtabloid.com
NADAKIP ng mga awtoridad sa lungsod ng Marikina ang isang lalaking sangkot sa pangmomolestiya at panggagahasang naganap sa bayan ng Binangonan, lalawigan ng Rizal, nitong Linggo ng umaga, 27 Marso.
Kinilala ni P/Col. Benliner Capili, hepe ng Marikina CPS, ang naarestong suspek na si Rommel dela Cruz, 29 anyos, binata, driver, residente sa Extension St., San Juan, Brgy. Darangan, sa nabanggit na bayan.
Dakong 11:50 am kamakalawa nang dakpin ng mga operatiba ng Warrant Section ang suspek sa kanyang tahanan.
Sa ulat ni P/Maj. Monico Aliado, hepe ng SIDMS, bitbit ng grupo ni P/Maj. Federico Halog, Jr., ang warrant of arrest na inisyu ni Presiding Judge Gay Marie Lubigan-Rafael, ng Antipolo City RTC Branch 73, may petsang 12 Disyembre 2021 para mga kasong Rape, Qualified Rape Through Sexual Assault, Qualified Statutory Rape, at Acts of Lasciviousness.
Ayon sa ulat, matagal nang nagtatago sa batas ang suspek sa nabanggit na lugar matapos isagawa ang krimen. (EDWIN MORENO)
