Friday , June 2 2023
Drinking Alcohol Inuman

Napuno sa pambu-bully
KAPWA TRUCK HELPER, TINARAKAN NG BARETA SA LEEG NG KATRABAHO

KRITIKAL ang kalagayan sa pagamutan ng isang truck helper matapos tarakan ng bareta sa leeg ng kapwa truck helper nang mapuno ang suspek sa pambu-bully sa kanya ng biktima sa Malabon City, kahapon ng madaling araw.

Patuloy na inoobserbahan sa Tondo Medical Center (TMC) ang biktimang kinilalang si Christian Borja, alyas Ogag, 28 anyos, tubong Buhi, Camarines Sur, unang isinugod ng kanyang mga katrabaho sa Ospital ng Malabon (OsMa) bago inilipat sa nasabing pagamutan sanhi ng malalim na saksak ng bareta sa leeg.

Agad nadakip ng nagrespondeng mga tauhan ng Malabon Police Sub-Station 2 ang suspek na kinilalang si Ruben Layosa, alyas Potpot, 34 anyos, tubong Brgy. Taisan, Daet, Camarines Norte, nakuhaan ng baretang ginamit sa biktima.

Batay sa pinagsamang ulat nina P/SSgt. Mardelio Osting at P/Cpl. Renz Marlon Baniqued, bago ang insidente, nag-inuman ang biktima at ang suspek, kasama ang kanilang mga katrabaho sa loob ng trucking yard na matatagpuan sa Carbonium St., Goldendale Subdivision, Brgy. Tinajeros.

Dakong 3:45 am, habang naglalaro ng baraha ang biktima kasama ang kanyang mga katrabaho sa loob ng kanilang barracks, biglang pumasok ang suspek na armado ng bareta at tinarakan sa leeg si Borja.

Sa pahayag ni Layosa sa pulisya, nagawa niya ang pananaksak sa biktima dahil napuno na umano siya sa ginagawang pambu-bully sa kanya ni Ogag.

Kaagad inawat ng kanilang mga katrabaho ang suspek saka inagaw ang hawak nitong bareta bago mabilis na isinugod sa pinakamalapit na ospital ang biktima. (ROMMEL SALES)

About Rommel Sales

Check Also

teacher

Sentimyento ng mga guro pakinggan
MOTHER TONGUE POLICY NG DEPED REPASUHIN– SENADOR

HINIMOK  ni Senador Win Gatchalian ang Department of Education (DepEd) na pakinggan ang mga guro sa …

Estate Tax

Pagpapalawig sa amnestiya sa pagbabayad ng estate tax pasado na sa senado

PINASA na ng senado sa third at final reading ang panukalang batas na pagpapalawig sa …

Perjury

Testimonya, binawi ng saksi
MAS MABIGAT NA PARUSA SA PERJURY NAPAPANAHON NA — SENADOR

NANAWAGAN si Senador Alan Peter “Compañero” S. Cayetano nang mas mabigat na parusa laban sa perjury, …

Money Bagman

Maharlika Investment Fund   MIF SENATE VERSION ‘DI SUPORTADO NI SUPER ATE, 2 PA

HINDI suportado ng isang daang porsyento nina  Super Ate ng Pangulo na si Senadora Imee Marcos, …

Bato dela Rosa AFAD

Dela Rosa nanawagan para sa responsableng pagmamay-ari ng baril

ANG paglago at pag-unlad ng industriya ng paggawa ng  baril ay nakasalalay sa paglaki ng …