Saturday , May 21 2022
fire sunog bombero

3-anyos paslit nalitson sa sunog

HINDI na nakilala ang katawan ng isang 3-anyos na batang lalaki matapos ma-trap sa nasusunog nilang bahay sa Caloocan City, kamakalawa ng hapon.

Ayon kay Caloocan Bureau of Fire Protection (BFP) chief Supt. Roberto Samillano, Jr., dakong 1:30 pm nitong Miyerkoles nang sumiklab ang sunog sa bahay na pag-aari ni Edelita Sacil sa Block 5, Lot 14, Pampano St., Brgy. 14.

Gumagawa ng kama si Edmar Francisco sa kanilang bahay sa Pompano St., sa Brgy. 14 bandang tanghali nang sinabihan siya ng kaniyang pamangkin na may nasusunog sa kabilang kuwarto kung saan naroon ang kanyang anak.

“Pupuntahan ko ‘yung anak ko. Sumisigaw anak ko, tinatawag ako. Nakita ko malaki na ang apoy. ‘Di na ko makapasok sa loob ng kuwarto kasi nakaharang ‘yung foam ng kama namin,” ani Francisco.

Sa pagpupumilit ni Francisco na iligtas ang anak, sinuong niya ang sunog. Pero nabigo pa rin siya at napaso sa braso.

Labis ang hinagpis ng ama dahil hindi niya nagawang iligtas ang anak.

Dito, mabilis umanong kumalat ang apoy sa naturang compound kung saan nakatira ang anim na pamilyang magkakamag-anak kaya’t hindi na nagawang makalabas ng kanilang bahay ang 3-anyos na si Patrick Ace Francisco na naging dahilan ng kanyang kamatayan.

Umabot sa unang alarma ang sunog at idineklarang under control ni F/Sr. Insp. Arvin Jude Rapano, dakong 1:56 pm habang idineklara itong fire-out bandang 2:00 pm.

Ayton kay fire investigator FO3 Mark Vincent Severino, anim na bahay ang tinupok ng apoy na naging dahilan upang mawalan ng tirahan ang anim din na pamilya.

Aabot sa P80,000 halaga ng ari-arian ang natupok sa insidente.

Ayon sa fire investigator ng Bureau of Fire Protection (BFP) Caloocan, iniimbestigahan nila ang tunay na sanhi ng sunog. Umabot ito sa first alarm at walang nadamay na ibang bahay. (ROMMEL SALES)

About Rommel Sales

Check Also

052022 Hataw Frontpage

Exclusive!
PAUL SORIANO BAGONG PALACE EXECUTIVE

ni ROSE NOVENARIO MAISASALBA na ang karerang muntik lumubog ni multi-awarded film director at mister …

051922 Hataw Frontpage

Hirit sa Korte Suprema,
MARCOS, JR., ‘PAG NA-DQ, ROBREDO ILUKLOK NA PANGULO

ni ROSE NOVENARIO SI VICE PRESIDENT Leni Robredo ang dapat iluklok na ika-17 Pangulo ng …

P3-M Ketamine kompiskado sa Taiwanese

P3-M Ketamine kompiskado sa Taiwanese

ARESTADO ang isang Taiwanese national sa 600 gramo ng ketamine na aabot sa P3,000,000 ang …

The Women Club Nova Villa Tetchie Agbayani Tina Paner

The Woman Club ng Kapitana Media umaarangkada na

I-FLEXni Jun Nardo MAPAPANOOD na onboard ng Emirates at Philippine Airlines ang digi-film na The Women …

Taguig

Sariling eco bags hinikayat sa Taguig mobile market

NANAWAGAN ang local government unit (LGU) sa mga mamimili sa Mobile Market na magdala ng …