Friday , July 18 2025
Ping Lacson earmuffs

Kopyahan ng sagot para maiwasan
PING NAGMUNGKAHING GUMAMIT NG EARMUFFS SA PRES’L DEBATES

PARA makita kung sino ang klarong may alam para masolusyonan ang mga problema na kinakaharap ng bansa, iminungkahi ni Partido Reporma presidential candidate Panfilo “Ping” Lacson ang paggamit ng earmuffs o pantakip sa tenga sa mga kandidatong dadalo sa debate.

 Matapos ang unang round ng presidential at vice presidential debates ng Commission on Elections (Comelec), itinuloy ni Lacson at kanyang running mate na si Senate President Tito Sotto III ang kanilang pangangampanya sa probinsiya ng Nueva Ecija, una sa lungsod ng Gapan.

Dito, ibinahagi ng Lacson-Sotto tandem kay Gapan City Mayor Emeng Pascual ang kanilang mga plataporma at tinanong rin ang kalagayan ng kanilang lungsod partikular sa sektor ng kalusugan, agrikultura, at Tricycle Operators and Drivers’ Association (TODA).

Dahil sa direktang pagtutok sa mga isyu ng komunidad na kanilang binibisita, sinabi ni Lacson, mas angat ang kanilang kaalaman sa mga paraan para maresolba ang mga ito.

Aniya, “Kaya nakasasagot kami sa debate e, ‘yung iba nangongopya, kinokopya ‘yung sagot namin. Isa-suggest ko nga sa Comelec dapat naka-earmuff lahat ‘yung (kandidato) para hindi naririnig ‘yung mga sagot namin.”

 Para kay Sotto, sinabi niyang sa pitong national elections na kanyang sinalihan, ngayong Halalan 2022 umano ang pinakamakabuluhan at gustong-gusto niyang pag-iikot para kausapin ang mga botante.

“Sapagkat itong ginagawa naming dialogues, town hall meetings ang laki ng benepisyo both sides. May natututuhan kami sa sinasabi ng mga kababayan natin… Sa amin din, natututuhan nila kung ano [ang gagawin]… Hindi tulad dati ang nangyayari — rally, sigaw-sigaw (pero) may natutuhan ba sa iyo ‘yung mga nakinig? Wala,” ani Sotto. (NIÑO ACLAN)

Krystall Herbal Products and FGO Branches

About Niño Aclan

Check Also

071825 Hataw Frontpage

Legal adoption at anti-human trafficking nais palakasin
‘BABIES FOR SALE’ ONLINE ISASALANG SA SENADO

ni Niño Aclan “BABIES are not commodities.” Binigyang-diin ito ni Senadora Pia  Cayetano kasabay ng …

Antonio Carpio SC Supreme Court

Dahil sa pagiging co-equal branch of government
SC PINAALALAHANAN NI CARPIO SA PAG-USIG vs MAMBABATAS

PINAGHIHINAY-HINAY ni dating Supreme Court Associate Justice Antonio Carpio ang Korte Suprema kaugnay sa pagkuwestiyon …

Batangas Money

Batangas SP nananawagan ng pagkakaisa para sa sesyon

NANANAWAGAN ng pagkakaisa ang mga board members at lupon ng Sangguniang Panlalawigan (SP) ng Batangas …

BBM Bongbong Marcos BFP

Para sa State of the Nation Address
MGA BOMBERO KATUWANG SA SEGURIDAD NI PBBM

MAGIGING bahagi ang Bureau of Fire Protection (BFP) para magbigay seguridad  sa ika-4 na State …

QCPD Quezon City

Gunman, 1 suspek sa pinaslang na congress exec, arestado sa buybust             

NASAKOTE ng mga operatiba ng Quezon City Police District (QCPD) ang dalawa pang suspek, kabilang …