Sabog sa droga
KELOT NA HUMALAY SA MENOR DE EDAD NA TOTOY ARESTADO!

KALABOSO ang isang 22 anyos lalaki na salarin sa panghahalay sa isang 7-anyos totoy sa Recto Divisoria Maynila.

Ayon sa ulat, nadakip ng MPD Station2 sa pamumuno ni PltCol Harry Lorenzo ang salarin na si Ivan Madrigal residente ng Blk 1 Baseco Compound, Port Area, Maynila.

Ang panghahalay ng suspek sa kaawa-awang menor de edad ay na-videohan pa ng isang netizen sa tabing estero ng isang mall sa Divisoria Maynila na nagviral pa sa social media kamakalawa.

Narescue na rin ng kapulisan ang  7-anyos totoy na hinalay ng suspek at kasalukuyang nasa kostudiya ng DSWD.

Nabatid na sinubukan pang itago ng suspek ang pagkakakilanlan ng batang biktima na kalaunan ay napagalaman na anak pala ng kanyang kinakasama.

Inamin rin ng suspek na lango ito sa droga sa tuwing gumagawa ng kahalayan sa menor de edad na biktima.

Napag-alaman na rin na hindi lamang ang batang biktima ang ginawan ng kahalayan ng suspek.

Dahil dito nananawagan ang pamunuan ni MPD DD PBGEN LEO FRANCISCO sa mga posibleng nabiktima na maglakas loob na dumulog sa pulisya at maghain ng reklamo laban sa suspek.

Kasalukuyang nakakulong sa MPD PS2 ang suspek na nahaharap sa kasong R.A.8353 o Anti-Rape law of 1997. (BRIAN BILASANO)