HATAW! D'yaryo ng Bayan hatawtabloid.com
ANIM na sakay ng isang trainer aircraft ng isang flying school ang sugatan matapos sumadsad sa karagatang sakop ng Iba, Zambales kahapon ng umaga.
Ayon kay CAAP spokesperson Eric Apolonio, dakong 7:10 am kahapon nang sumadsad ang isang Rockwell Commander 685 (Aero commander 685), 500 metro mula sa dalampasigan ng Purok 3, Brgy. Sto. Rosario.
Sa imbestigasyon, may sakay na 6 pasahero, kinabibilangan ng student pilots at marshall ang aircraft na ino-operate ng Sentinel Logistic air Management.
Agad nasagip ng mga tauhan ng PCG at mga mangingisda sa lugar ang mga sakay ng eroplano na ngayon ay ginagamot sa ospital.
Nagpapatuloy ang imbestigasyon ng mga tauhan ng CAAP Aircraft Accident Investigation and Inquiry Board (AAIIB) kaugnay ng insidente. (MICKA BAUTISTA)
