HATAW! D'yaryo ng Bayan hatawtabloid.com
NAGKOMPIRMA na ang siyam sa 10 kandidato sa pagkapangulo na dadalo sa debateng ikinasa ng Commission on Elections, maliban kay Ferdinand “Bongbong” Marcos, Jr.
Ito’y kahit pinayohan na siya ng kapatid na si Senadora Imee Marcos na dumalo sa mga debate upang mapatunayang hindi siya duwag.
Sa kabila ng payo ng kapatid, wala pa rin imik ang kampo ni Marcos kung dadalo o hindi.
Unang nag-trending ang #MarcosDuwag matapos umatras sa ilang debate.
Ayon sa netizens, patunay ito na duwag talaga si Marcos at walang malinaw na plano para sa bansa at sa mga Filipino.
Kantiyaw ng netizens, paano haharapin ni Marcos ang mabibigat na problema ng bansa kung sa debate pa lang ay umaatras na.
