HATAW! D'yaryo ng Bayan hatawtabloid.com
ARESTADO ng mga awtoridad ang isang mister sa bisa ng warrant of arrest ang tinaguriang No. 7 most wanted person ng Caloocan City, kahapon ng umaga.
Kinilala ni District Special Operation Unit ng Northern Police District (DSOU-NPD) chief, P/Lt. Col. Jay Dimaandal ang naarestong akusado na si Michael Kenneth Agliam, 29 anyos, residente sa Interior Rivera Baesa, Brgy. 160 ng nasabing lungsod.
Ayon kay P/Cpl. Josefino Estacio II, nakatanggap ang mga operatiba ng DSOU na nakita ang akusado sa kanilang lugar dahilan upang magpadala si Lt. Col. Dimaandal ng kanyang mga tauhan sa lugar para alamin ang naturang report.
Nang positibo ang ulat, bumuo ng team ang DSOU sa pangunguna ni P/Capt. Melito Pabon, kasama ang NDIT RIU-NCR, 4th MFC RMFB, NCRPO at Northern NCR MARPSTA saka ikinasa ang operation na nagresulta sa pagkakaaresto kay Agliam sa kanyang tirahan dakong 10:30 am.
Ani Pabon, ang akusado ay dinakip sa bisa ng warrant of arrest na inisyu noong 26 Nobyembre 2021 ni Hon. Judge Misael Delo Ladaga ng RTC Branch 126, Caloocan City para sa kasong Rape at walang inirekomendang piyansa ang korte para sa kanyang pansamantalang kalayaan. (ROMMEL SALES)
