Friday , May 27 2022
shabu drug arrest

P.2M shabu nasabat
6 DRUG SUSPECTS, TIKLO SA BUY-BUST

ANIM na bagong unidentified drug personalities (IDPs) kabilang ang dalawang babae ang naaresto matapos makuhaan ng halos P.2 milyong halaga ng shabu sa magkahiwalay na buy bust operation ng pulisya sa Malabon City.

Ayon kay Malabon police chief, Col. Albert Barot, nakatanggap ang mga operatiba ng Station Drug Enforcement Unit (SDEU) sa ilalim ng pangangasiwa ni P/Lt. Alexander Dela Cruz ng impormasyon mula sa kanilang impormante na nagbebenta umano ng shabu si Arvy Gumarang, 39 anyos at Mahdali Tongko, 47 anyos, tricycle driver na naging dahilan upang ikasa ang buy bust operation laban sa kanila sa Dr. Lazcano St. corner Bronze St., Brgy., Tugatog, dakong 9:25 pm.

Agad inaresto ng mga operatiba ang mga suspek matapos bentahan ng P9,000 halaga ng shabu ang isang pulis na umakto bilang poseur-buyer, kasama sina Jomar Reyes, 24 anyos, at Ma. Princess Babes Magcalas, 19 anyos.

Ani P/SSgt. Jerry Basungit, nakompiska sa mga suspek ang tinatayang nasa 26.5 gramo ng hinihinalang shabu, may standard drug price na P180,200, marked money na isang P1,000 bill at walong pirasong P1,000 boodle money, coin purse, weighing scale at isang tricycle na gamit umano sa pagtutulak ng droga.

Dakong 2:00 am nang matimbog din ng mga operatiba ng SDEU sina Hernan Cruz, alyas Tatang, 55 anyos, at Ricky Polintan, 33 anyos, sa buy bust operation sa M.H Del Pilar, Brgy. Panghulo.

Nasamsam sa mga suspek ang tinatayang 2.8 gramo ng hinihinalang shabu, may standard drug price P19,040 at P500 buy bust money.

Nahaharap ang mga naarestong suspek sa kasong paglabag sa RA 9165 o ang Comprehensive Dangerous Drug Act of 2022. (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …