Sunshine ‘katuwaan’ ang mga dance video

HATAWAN
ni Ed de Leon

MATAPOS na makakuha ng one million views ang dance video niyang paru-paro G kasama ang ilang kaibigan, mukhang mas na-encourage si Sunshine Cruz na gumawa pa ng mga dance video habang wala pa nga siyang ginagawang bagong serye at pelikula. Sinunduan niya iyon ng

isang solo dance video, at pagkatapos ay may ipinost pa siya ulit na isa pang dance video na kasama naman niya ang boyfriend na si Macky Mathay.

Sinabi naman ni Sunshine na ang dance video nila ni Macky ay “katuwaan lang.” Kung kakagatin ng tao eh ‘di sige, kung hindi naman eh ano nga ba?

Iyan namang mga dance video na iyan, talagang katuwaan lang ginagawa pero kung dadami nga ang audience mo, roon napatutunayan kung gaano ka kasikat at ang kasunod niyon, may kukuha sa iyong social media endorser at doon ka naman kikita. Pinagkakakitaan din eventually pero iyan ay talagang katuwaan lang.

Si Sunshine mahilig naman talaga sa sayaw noong araw pa eh.