Friday , May 27 2022
Gun Fire

Tumanggi sa isinasanlang baril
NEGOSYANTE BINOGA NG KAPITBAHAY

SUGATAN ang isang negosyante matapos barilin ng kanyang kapitbahay makaraang tumanggi sa isinasanlang baril, Sabado ng umaga, sa Malabon City.

Isinugod sa Tondo Medical Center (TMC) ang biktimang kinilalang si Joey Tullo, 43 anyos, residente sa Block 9C, Lot 25, Hiwas St., Brgy. Longos, ngayon ay nakaratay matapos isailalim sa operasyon sa tama ng bala sa kanang hita.

Tinutugis ng mga tauhan ng Malabon Police Sub-Station 5 sa pangunguna ni P/Lt. Mark Xyrus Santos ang suspek na si Ernesto Dayrit, nasa hustong gulang, residente rin sa naturang lugar makaraang tumakas matapos ang pamamaril.

Batay sa isinumiteng ulat nina P/SSgt. Jeric Tindugan at P/SSgt Michael Oben, may hawak ng kaso, kay Malabon police chief P/Col. Albert Barot, nakaupo sa harap ng kanyang tirahan ang biktima dakong 8:40 am nang dumating ang suspek at inalok na isangla sa negosyante ang kanyang hindi pa matukoy na kalibre ng baril.

Tumanggi ang biktima ngunit iginigiit ng suspek na isangla ang kanyang dalang baril hanggang mauwi sa pagtatalo ng dalawa.

Dito nagalit ang suspek at binaril ang biktima saka mabilis na tumakas, dala ang ginamit na armas.

Nasaksihan ng 64-anyos na si Nicanor Llena, kasama sa bahay ng biktima ang pangyayari kaya’t humingi siya ng tulong upang madala sa pagamutan ang negosyante. (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …