Senatoriable Eleazar, inendoso ni Inday Sara

MANANATILI pa rin kay Partido Reporma presidential candidate Senator Panfilo “Ping” Lacson si dating Philippine National Police (PNP) ngayon tumatakbong senador, Guillermo Lorenzo Eleazar.

Inihayag ito ni Eleazar makaraan siyang iendoso ni vice presidentiable Inday Sara Duterte ng UniTeam.

Kasabay nito, nagpasalamat si Eleazar kay Inday at aniya’y ikinararangal niya ang ginawang hakbangin ng presidential daughter.

Sa panayam kay Eleazar, nananatili pa rin sa kanyang puso ang motto ng Philippine Military Academy (PMA) – loyalty, integrity and courage. Si Eleazar ay kabilang sa Batch 1987 graduate mg PMA.

“Well, ako unang-una, graduate ako ng PMA so talagang ang motto ko ay courage, integrity and loyalty kasi ‘pag isa ang tinanggal mo marami ang maaapektohan pati ‘yung course ng trabaho mo, lumaki ako and for 38 years in service, we can say na puwede natin panghawakan,” anang dating PNP chief nang tanungin hinggil sa hindi pagsipot ng iba pang senatoriables sa proclamation rally ng Partido Reporma sa Imus, Cavite at nakita sa kabilang partido. (ALMAR DANGUILAN)