Gerald nagbahagi hirap sa shooting ng Mamasapano

HARD TALK
ni Pilar Mateo

PINAKAMALAKING proyekto ng Borracho Productions katulong ang Vivamax, ang Mamasapano.

True-to-life ang pelikula tungkol sa SAF 44 na humarap sa isang napakalaking hamon na nasawi ang marami.

The movie boasts of a great cast.

Isa sa nabigyan ng malaking hamon sa pelikula ay ang singer at theater actor na si Gerald Santos.

Ano ang mahalagang papel niya sa pelikula? And the experience. Na one year mahigit natengga because of the pandemic.

“Medyo naging difficult uli ang continuation ng shoot namin ‘coz nagkaroon ng bagong surge sa Omicron. 

“But it went smoothly naman. Mas naging mahigpit lamg uli sa bubble set up swab tests talaga before we entered the bubble. 

“Bale may mga na-shoot na ako na eksena noong late 2020 and then mid 2021 tapos ito another five days na shoot for me. I was actually expecting na mahirap talaga itong role na ito coz he is the lone survivor. 

“So when we were shooting na ‘yung battle scenes sa gitna ng maisan from 8:00 a.m.  till night, doon ko lang na-realize kung gaano talaga kahirap. Nakabilad kami sa tirik ng araw, gumagapang, humihiga sa maisan at damuhan. Grabe it was hard but an amazing experience for me! Pero ibang level pa ‘yung kinailangan ako lumublob sa ilog para kunan ‘yung pagtatago sa water lilys. Grabe talaga! I learned so much from this role. Kaya thank you talaga sa Borracho Film Productions and Atty. Ferdie Topacio for entrusting me this role.”

Sa rami ng cast, sino ang naging close sa kanya?

“Bale with this movie everything was swift eh. Pero I got the chance to bond with Aljur (Abrenica) more. When we were shooting in Pampanga tapos noong nag-training kami ng gun firing sa Camp Crame siya talaga madalas ko nakakausap. Hindi na rin kasi bago kasi magkatrabaho naman kami sa GMA before.”

Ano pa ang mga pinagkakaabalagan niya?

“Sa ngayon pahinga ang Theater life and career ko Tita Pilar haha. I was fortunate to do theater last year with ‘I Will The Musical’ about the life of Doc Willie. Napakahirap din ng pinagdaanan namin doon ‘coz of the situation pero we were able to pull it off. I’m just waiting kung ano maging developments in the coming weeks or months and i’ll announce whatever show i’ll be part of in the future“

Naku, mukhang wala pa ring saysay na pag-usapan ang lovelife ni Ge. Ito ang taong pagdating sa trabaho eh, sobrang focused!