HATAW! D'yaryo ng Bayan hatawtabloid.com
NAILIGTAS ang walong biktimang may edad 14 hanggang 16 anyos nang salakayin ng mga awtoridad ang isang hinihinalang cybersex den sa Purok 7, Brgy. Limaha, lungsod ng Butuan, Agusan del Norte, nitong Sabado, 29 Enero.
Magkatuwang na ikinasa ng National Bureau of Investigation – CARAGA office at Regional Police Women and Children Protection Center ang operasyon base sa impormasyon mula sa Federal Bureau of Investigation, USA.
Ayon sa FBI, binabantayan nila ang naturang cybersex den na nabatid na may mga kliyenteng dayuhang pedophiles.
Nadakip ang hinihinalang operator ng cybersex den habang nagawang makatakas ng isa niyang kasamahan bitbit ang isang 3-anyos biktima.
Ayon sa mga awtoridad, sangkot ang cybersex den sa online trafficking of children at child pornography sa nakalipas na tatlong taon.
