HATAW! D'yaryo ng Bayan hatawtabloid.com
HARD TALK
ni Pilar Mateo
ANO ba naman itong balitanf naghiwalay na ang noong Oktubre 2021 lang ikinasal na sina Carla Abellana at Tom Rodriguez?
Ang saklap namang balita.
Kaya, maski ang mahal na ama ni Carla na si Rey eh, nagulantang sa balita.
Nakita namin kung gaanong kasaya nina Carla at Tom nang mamanhikan sila sa pamilya ni Rey. At kung paanong tinanggap ni Rey si Tom para maging manugang.
Masakit kung totoo ang balitang may itinuturong 3rd party.
May nagsasabi, matagal na nakasama raw ito ni Tom sa isang teleserye. Maganda nga at bata pa ang pinaghihinalaang dahilan daw. Dahil napuputungan na rin daw ito ng korona sa mga sinalihan ng patimpalak. At hindi raw maikakaila ang taglay na SPARKLE nito.
Marami ang tumukoy sa pangalan ng itinuturong dahilan.
Isang vlogger pa nga ang nagsabing umano’y, buntis ito.
Maraming Marites na ang nagsisisawsaw sa usapin, sa usapan.
Sana lang, hindi nga raw ito totoo. Na kung dinaanan man ito ng mag-asawa eh, matapos na at maayos na nila.
Hindi biro ang makipaghiwalay.
Isang napakabigat na dahilan ang pag-uugatan ng lahat.
Sa isang babaeng matagal na panahong inalagaan ang pagmamahal sa lalaking tinanggap ng buong puso at kaluluwa sa mata ng tao at mata ng Diyos, masaklap na tanggaping may sisira at makasisira pa pala sa pagtitiwalang ‘yun.
No word yet from Carla nor Tom. Not even from their managers o management para pabulaanan ito.
Wait and see.
All we can do is pray. For them. Na this too, shall pass.
