MULA sa kaliwa: si DOH NCR director, Dr. Gloria Balboa, DILG USec. Epimaco Densing III (Chairman, Task Group of Communities Response, IATF), Atty. Caroline Cruz, Executive Director ng Pitmaster Foundation, MMDA Deputy Chairman Frisco San Juan, at MMDA GM Atty. Don Artes.

Para sa CoVid-19 test kits
PITMASTER NAGBIGAY NG P100-M SA LGUs

hataw tabloid January 21, 2022 Feature, News

SA PATULOY na pagsirit ng hawaan ng CoVid-19 sa bansa partikular sa Metro Manila, nag-donate ang Pitmaster Foundation ng P100 milyon sa local government units (LGUs) para labanan ang virus at bumili ng ng CoVid-19 test kits.

Personal na iniabot ni Pitmaster Executive Director Caroline Cruz ang P50 milyong cash at P50 milyong halaga ng mga CoVid-19 test kits sa Metro Manila Development Authority (MMDA) na sinaksihan din ng Department of the Interior and Local Government (DILG), at ng Department of Health (DOH) sa Ynares Sports Arena sa Rizal.

Ayon kay Atty. Cruz, “ito po ang aming ambag sa pamahalaan para magkaroon ng CoVid-19 mass testing sa bawat lungsod dito sa NCR para kaagad mai-isolate ang mga may sakit para hindi na po makahawa ng kapamilya o katrabaho.”

“Ayon po kasi sa mga eksperto, ang hindi maagap na detection ng may CoVid-19 ang dahilan kaya mabilis po ang pagkalat nito sa NCR ngayon,” ani Cruz.

Dagdag ng abogada, “gusto po ng aming Chairman na si Charlie “Atong” Ang, kung maaari lahat ng tao sa NCR ay ma-testing lalo na po ‘yung may symptoms.”

Nangako ang MMDA na ibabahagi agad ang cash at CoVid-19 rapid testing kits sa 17 LGUs sa Metro Manila.

Kaugnay nito, muling ipinaalala ni Atty. Cruz, bukas ang Pitmaster Foundation sa mga nangangailangan ng dialysis at chemotheraphy ngunit walang pera.

“Pumunta lang po kayo sa aming website at magparehistro…kami na po ang bahala sa gastos,” pahabol ni Cruz.