HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MASAYANG kahuntahan ang newbie sexy actress na si Rob Guinto nang maging guest siya sa aming online show na Tonite L na L nina katotong Roldan Castro at Chuffa Mae Bigornia.
First movie ni Rob ang Siklo na palabas na ngayon sa Vivamax at tinatampukan ni Vince Rillon. Nakipagsabayan dito si Rob sa daring at sexy scenes kina Christine Bermas at Ayanna Misola. Mula sa pamamahala ni Direk Roman Perez, Jr., tampok din dito sina Joko Diaz, Alma Moreno, Jonee Gamboa, Andrew Muhlach at iba pa.
Paano siya nag-start sa Viva? “Nag-start ako sa Viva dahil kay Mama Lito (de Guzman), ‘yung manager ko po, siya bale ‘yung nag-invite sa akin para mag-audition sa Viva.
“Actually, two times na po talaga iyon, then iyong isa, ano po talaga siya, hindi po ako ready noon na mag-artista. Hanggang sa second time ulit na ininvite ako ni mama Lito, iyon na po, nasabi ko na, ‘Baka ito na talaga iyong para sa akin’, kaya ginrab ko na rin po,” saad ng aktres na ang vital statistics ay 34-26-35.
Mapangahas ang mga ginawa at ipinakita niya sa pelikulang Siklo, hindi ba siya nagdalawang isip na gawin ang mga daring scenes dito?
Tugon ni Rob, “Hindi naman po, kasi unang-una po, bago ko naman tanggapin ang project na ito, ipinaliwanag naman po sa akin kung ano ‘yung role na gagampanan ko roon. Aside po roon, hindi naman kami pinabayaan ni Direk Roman. Kaya okay naman po, kaya okay naman po sa akin lahat iyon.”
May instance ba na nasilipan siya ni Joko sa kanilang love scene, and vice versa?
“Kasi, may scene naman po kami na talagang naka-topless ako roon, so hindi maiiwasan po na makita talaga, as in may eksena po kami na talagang topless ako.”
How about si Joko, may pagkakataon bang nasilipan niya ito? “Ay hindi po, wala po, hahaha! Wala po, wala po, hahahaha!” Nakatawang bulalas ni Rob.
May nakahanda na ba siyang next project sa Vivamax? “Actually, yes po, magkakaroon po ako ng paparating na project. Pero siyempre po ay hindi ko muna sasabihin, surprise na muna rin po para sa ibang tao,” nakangiting saad pa niya.
Game ba siya na mas maging daring sa kanyang next project? “Kung iyon naman po talaga ang ikagaganda ng movie, bakit hindi?” Matipid na sambit pa ni Rob.
