Mayweather umamin walang babaeng pinakasalan

ISA sa pinakamagaling na boksingero si Floyd Mayweather sa mundo ng boksing sa lahat ng pana­hon.  

Taglay niya ang walang talong karta at pamoso sa kanyang depen­sa na walang makapasok na kahit sinong boksingero.

Bukod sa kanyang naging makulay na career, dalawang bagay ang gusto pang malaman ng kanyang fans tungkol sa kanyang personal na buhay at ang status ng kanyang relasyon sa mga babaeng nasangkot sa kanya.

Bagama’t nagretiro na si Mayweather sa boksing noong 2017, sa kasalu­kuyan ay buhay na buhay pa rin sa mga balita ang takbo ng kanyang buhay.

Marami sa kanyang fans ang masigasig na malaman ang tungkol sa relasyon ni Mayweather.  

Isang malaking kata­nu­ngan ay kung si Floyd ba ay kasal sa isang babae?

Ang isa pang nakaiin­tri­gang tanong ng fans ay kung ilan ba ang asawa ni Mayweather?

Nanggaling mismo sa bibig ni Mayweather, wala siyang pinakasalang babae.  

Inamin niyang may­roon siyang naging karelasyon sa nakaraan, kasama roon ang pagpasok niya sa relasyon kay Erica Dixon bago ang relasyon niya kay Josie Harris.

Pinakamatagal na naging kapareha niya si Harris na nagtagal ng 14 taon. Pagkatapos no’n ay nasangkot siya  kay Melissa Brim sa loob ng dalawang taon. 

At pagkaraan ng relasyong iyon ay marami pang babae ang dumaan sa buhay ni Mayweather.

Sa lahat ng mga nakarelasyon, kay Josie Harris siya nagkaanak ng  marami. Iyon ay sina Koraun Mayweather, Zion Mayweather, at Jirah Mayweather.  Samantala, may isang anak siya kay Melissa Brim.

Muli ay inulit ni Floyd sa social media na wala siyang pinakasalang babae sa lahat ng nakarelasyon niya.