GMA series eksplosibo ngayong 2022

I-FLEX
ni Jun Nardo

EXPLOSIBO ang iba’t ibang putaheng pasabog na GMA series ngayong 2022.

Nagsimula na ang series ni Dingdong Dantes sa I Can See You na AlterNate. Sinudan ito sa afternoon prime na Little Princess ni Jo Berry at sa January 17, magbabalik ang bagong season ng Prima Donnas.

Ang ilang pang bagong programa ng Kapuso Network na kaabang-abang ay ang legal drama series na Artikulo 24/7 na mapapanood sa February 14 na bida sina Kris Bernal, Rhian Ramos, at Mark Herras.

Ang ilan pang aabangan sa hapon ay ang Raising Mamay,  Apoy Sa Langit, Abot Kamay na Pangarap, Frozen Love.

Abangers din sa programang  Return To Paradise, ang TV adaptation ng Regal movie na Underage, Heaven in My Heart, at Nakarehas na Puso.

Nariyan din ang My First Lady nina Gabby Concepcion, Sanya Lopez, at Alice Dixson; Agimat ng Agila 2; Family Feud; Running Man Philippines, Sing For The Hearts at marami pang iba.

Eh kahit patuloy na gumagawa ng bagong series, pinananatili pa rin ang GMA Network ang health protocols sa lahat ng programang ginagawa, huh!