Dennis Orcollo na-deport mula sa US

IPINATAPON ng Estados Unidos ang isa sa pinakamagaling  na manlalaro ng bilyar sa Filipinas na  si “money-game king”  Dennis Orcollo sa US dahil sa “overstaying.”

Si Orcollo ay kilala sa buong mundo lalo sa US dahil sa sangkatutak na napanalunang torneo kasama ang presti­hiyo­song 2016 US Open Straight Pool title, US Open 8-Ball Champion­ship.

“We just received terrible news that Dennis Orcollo was sent home due to a VISA infraction on his last stay. He cannot return for 5 years! Seems excessive,” pagrereport ng Pool Action TV.

“Immigration is cracking down on everyone trying to get here legally. Hopefully things can change soon.”

Ayon sa report, pinigilan si Orcollo na makapasok sa Los Angeles noong Linggo ng gabi at inimporma siyang ‘overstayed’ siya sa  US.   Dagdag sa report, ang ikalawang pagkakataon na lumagpas siya ng pamamalagi sa US.

Sa mensahe na ipinarating ng Billiards Planet’s Facebook page, sinabi nilang ikinulong si Orcollo ng US authorities sa loob ng 31 oras.

“My visa was invalid because of too much stay in the US. They said they ban me for 5 years,” sabi ni Orcollo.

“For sure I (will) miss a lot of events in the US. At this moment, I have no idea when will I be able to come back.”

Sa ngayon ay nagha­hanap ng remedyo na makakuha ng athlete’s visa  si Orcollo  para makalahok muli sa US.

Si Orcollo ay maipag-mamalaking atleta ng Filipinas na nagbigay sa bansa ng  Asian Games gold at limang SEA Games gold medals.   Minsan din siyang itinanghal na hari ng World 8-Ball noong 2011.