LA Santos humahataw sa paggawa ng teleserye

MA at PA
ni Rommel Placente

BONGGA ang singer-actor na si LA Santos, huh! Pagkatapos kasi siyang mapanood sa seryeng Ang Iyo Ay Akin, na pinagbidahan nina Jodi Sta. Maria at Iza Calzado, heto at may kasunod na agad siyang serye sa ABS-CBN. 

Kasama siya sa Mars Ravelos Darna:The TV Series na bida si Jane de Leon.

Nag-chat kami kay LA para tanungin kung ano ang role niya sa Darna. Ang sagot niya, ”Ako po ay nasa EMT team and doon ko po makakasama ni Narda.”

Sa tanong naman namin kung paano siyang napili para para makasama sa Darna, ang sabi niya, ”Napili po ako dahil po sa JRB team po from my role sa ‘Ang Sa ‘Yo Ay Akin’. Masarap po sa feeling na nakasama po ako sa ‘Darna’. Mas na-motivate po ako to do better kasi po lahat po ng cast mates super driven kaya nakatutuwa po,” pagbabahagi ni LA.

Samantala, tuloy pa rin ang singing career ni LA.  Ang latest single niya ay ang Anong Pangalan Mo tampok ang rapper na si CLR at release ng 7K Sounds at ABS-CBN Music.

Ang nasabing awitin ay unang narinig sa swim suit competition ng Binibining Pilipinas 2021 na ginanap noong July.

O ‘di ba, bongga ang kanta ni LA dahil ginamit sa Binibining Pilipinas 2021.