Nabangga ng motorsiklo
PEDICAB DRIVER TODAS

PATAY ang isang pedicab driver nang mabangga ng isang motorsiklo sa Navo­tas City, kamakalawa ng gabi.

Dead on arrival sa Navotas City Hospital (NCH) ang biktimang kinila­lang si Dennis Pagu­layan, 39 anyos, residente sa R-10, Brgy., North Bay Boulevard North (NBBN) Proper sanhi ng pinsala sa ulo at katawan.

Nahaharap sa kasong reckless imprudence resulting to homicide ang driver ng Yamaha NMAX, may plakang 630ATF na kinilalang si Manuel Maribojoc, 51 anyos, residente sa Vincent St., BF Road, Quezon City.

Sa report ni P/SSgt. Levi Salazar kay Navotas police chief Col. Dexter Ollaging, dakong 7:45 pm nang maganap ang insidente sa kahabaan ng Road-10, NBBS Proper.

Batay sa inisyal na imbestigasyon, tinatahak ni Maribojoc sakay ng kan­yang motorsiklo ang natu­rang lugar patungong Malabon City nang ma­bangga ang biktima na nagtangkang tumawid sa lugar.

Matapos ang insidente, mabilis na isinugod ang biktima sa pagamutan ngunit hindi na umabot ng buhay habang dinala ang driver ng motorsiklo sa himpilan ng pulisya.

(ROMMEL SALES)