HATAW! D'yaryo ng Bayan hatawtabloid.com
TATLONG kinilalang drug personalities (IDP) ang nakuhaan ng mahigit P.2 milyon halaga ng shabu nang maaresto ng pulisya sa isinagawang buy bust operation sa Malabon City, kamakalawa ng gabi.
Kinilala ni Malabon City police chief P/Col. Albert Barot ang mga nadakip na sina Mark James Sanchez, 21 anyos, residente sa Atis Road, Jenny Piquiz, 39 anyos. ng Macopa Road, kapwa ng Brgy. Potrero, at Marie April Bernardo, 37 anyos, residente sa San Rafael St. Brgy. Sipak, Navotas City.
Ang mga suspek ay naaresto dakong 9:00 pm sa Macopa Road, Brgy. Potrero matapos bentahan ng P500 halaga ng shabu si P/Cpl. Paulo Laurenz Rivera na umakto bilang poseur buyer.
Ayon kay Malabon Police Station Drug Enforcement Unit (SDEU) chief P/Lt. Alexander Dela Cruz, isinagawa ang drug operation laban sa mga suspek kasunod ng isang linggong surveillance at monitoring operation kay Sanchez at sa kanyang mga kasama matapos ang natanggap na tip mula sa kanilang confidential informant hinggil sa illegal drug activities ng mga suspek.
Nakompiska sa mga suspek ang tinatayang nasa 30.8 grams ng hinihinalang shabu, may standard drug price P209,440 at marked money.
Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002.
(ROMMEL SALES)
