HATAW! D'yaryo ng Bayan hatawtabloid.com
KITANG-KITA KO!
ni Danny Vibas
PARANG ang Cannes-winning director namang si Brillante “Dante” Mendoza ang maglalabas ng sex-oriented films ngayong panahon ng social distancing at facemask.
Ipalalabas na pala ang first GL (girls love) movie n’yang Palitan na nagtatampok sa mga baguhang sina Cara Gonzales, Jelai Cuevas, Luis Hontiveros, at Rash Flores. Mga baguhang walang-takot magpakita ng katawan at makipaglingkisan sa katambal nila.
Trabaho lang daw ‘yong ipaararo nila sa katambal nila ang mga katawan nila. Wala raw silang malisya sa mga eksenang ‘yon.
Dahil GL nga ang Palitan, may sex scenes sina Cara at Jelai sa pelikula. May mga nagsasabing maraming lalaki ang naaapektuhan kapag dalawang babae ang pinapanood nila!
Pero huwag mag-alala ang mga lalaki na walang hilig manood ng same gender sex. May sex scenes din ng opposite genders ang mga pangunahing bituin.
May paparating pa si Direk Brillante na BL (Boys Love) nina Paulo Gumabao at Vince Rillon, ang Sisid.
Mga proyekto ni Direk Dante para sa Vivamax ng Viva Films ang Palitan at Sisid. Ang Palitan ay palaban na ngayong December 10 sa streaming ng VivaMax na napapanood na rin sa maraming bansa sa mundo. May promo packages din ang Vivamax para makatipid ang pamilya.
